Holt, zeerscht miessed Dir,
Züelosar amol glöübe und a Vrschtändnis
hong, dass I, a gonz kleina gussiesena
Chrischtus, schwätze ka.
Und I ka it bloß latienisch oder hebräisch, nuai, I ka so schwätze wie dir, so wie halt a allgeiar Chrischtus mit siena Lit schwätzt.
Wea mi amol i des Feald ning gschtellt hot, des
waißt niemed mea so reacht.
Schibbelars Hannes hot gmuit, des Kriz sei vu Fische vum Friedhof und des hab amol uim vu deana Burgar vu Ried ,kheart.
Öüffingars Anton hot nochad gmuit ,furtwearfe sott bas öü it grad , is Feald tät a `s grad schu no a Wiele, dea Chrischtes.
Jietz schtond I halt do ,und lüege na uf die `Schtro°ß , wo vu Maislschtui ,im ündere Doarf z`Ried dur,
in Hirschschprüng und go Tuifeba goht.
Was muischte wea do a mir, schu alls durgloffe ischt
Joram !
I hob r des alls gmeerkt, wil I ja a Chrischtus bi und alls meerke ka.
I will jietz bloß amol uin Tag hea neame und vrzelle was neacht, am fuffzehnte Jänar nuizehündrtsimmnevierzg ,alls gwea ischt.
Am Moarge sind zwie Haase bei mir um de Sockl graist, I glöüb die händ Fengarles dong.
Ma siecht s`Gschpoar no im Schnea
Und nochad, I bi grad wiedr a winck ingnuned gwea, hear I a Rolle ,a Führweark, fümf oder sechs Hoanar ananond k`henckt, a paar ündrsiberse uffanond,und zwie Ma.
D`Monessar. Ludwig und Michl.
Gschwätzt händ se nuiz.
Die sind go noch em Mealke glei furt, Edeward wird im Schtaal no feerteg gmacht hong….
Die gend go zum Buurda hole go Dingjeerge.
Bis die üüsbünde händ und wiedr dahuim sind ischt es liecht Obed.
I ho grad an Schwaarzebearg num glüeged k`hett, es hot an reachte Schtiebar dong, und de Schnea vu de Danna gwoarfe, kutt doch,
a so a schinghailega Siech heagloffe, lüeged hindrse , lüeged fier se und, wo na siecht , dass niemed ummanond ischt, macht a waile s `Kriz lupft sogar de Hüet und hot no lüt glease was ündr mir a deam Schtui schto°t,
Gelobt sei Jesus Chrischtus.
Ea hot`s ja reacht gmacht, es ischt güet gwea, abr I ho nen nochad doch khennt….
Wen I ,niena ummanond bi, na schweert a und süft a, abr gell ,huit mit mir allui ,hot a doch it s `Gurasche khett und züegea, dass es, ohne an Herrgott it goht, und hot br schie dong.
I sag it wea nes gwea ischt, des bliebt ündr ies .
Es ischt bigott lang ko°lt a deam Schippelares Lo , abr schie ischt es , wie des Riedbächle ündr dem Hirschsprüng rüs kut, i d Wiesa nüs schlängled und nochad ündr Minradars Bichl de Falle Ba hiered.
D`Sunne macht se bei mir schu raar, se lüeged de gonze Daag halt bloß uimol dur e Hierschschprüng und des it lang.
Grad hone denckt, jiezt machschte go Broatzit
kut Büechene Hannes, dr Weagmachar, mit ar hilzene Schneaschüfl drhea, schtoared do und schtoared dett, schpringt mit de Schüe i die gfroarene Rossbolla ning und, wie allad, bei dr greaschte Kelte, kui Kappe kui Händsche, an olte Plischhüet vu ana siebezehne und s Hemed off bi s an Büeseme na.
A hot mir kuin Obacht it gea, und vor a gschnupft hot, hot a waile no , mit dem Eerml de Wintrdropfe abzoge.
I hon en gean mege Hannesse, a hots reacht gmuit, bloß die viele Öüto hot a it meege; wones en amol reacht agschtobe hot, die Schroß ischt doa no it teered gwea, hot a gschwoare und gmüled : „Die gonze Öüto vu dr gonze Wealt, sottet all I Schippelars Lo dünt flacke!.“ Und zu mir hot a nochad gseit, „ es ischt doch bigott öü wohr !“
D`Sunne schingt schu uf Maislschtui ning und
mi fruurt es, I bi halt allad allui.
A de Lita ischt es öü sunnig und schi,
abr i bi a Riedar drum ischt des mir gli.
Ze ies kut d Sunne de Summr wiedr lang, n a soll se jietz riebeg vorhea gong.
A Ma ischt huit öü schu dur a mir, in ar olte Soldote Kappe, reacht kleabr beiannond, dea hot it üf und it um glüeged, i glöüb a hot garit reacht gwisst wo na hie will. Mei, die letscht Zit sind viel londfremde Kerle vu der Gfangenschaft huimkumme und händ it gwisst wo hie. Ea hot mi düred ,dea , i glöüb es ischt a Flichtling gwea, wea waiß was a hindr sich khett hot.
Jietz isches zwelfe, d` Schüelar kummed zum Easse, und die olt Pinnin hot wieder `s Klänke vrgeasse.
I mag des gean wenn I vu r Kappl, s Gebeatlitte hear na waiß i dóch dass d Riedar die olte Briech no pfleaged und a mi denked, wo ne na i doch schu so viel Johr uf die Schtroß Obacht gib.
Was jietzt kut siech i alllad gean ; D Riedar
Büebe kummed mit de Schie .
I deam tiefe Schnea dapped se a Bahn, und wenn es uin wirft ,nochad lached se reacht.
S letscht Johr hot es doch uin dünda am Emmnele iebrwoarfe, und es hot n in Ba ning ghöüe. I ho schu denkt ,i müeß go ingriefe, abr nochad ischt uina, i glöüb Josef hot a ghaisse , ebe na gschtoche, de gonze Biechl und hot dean , a ischt a wink damisch gwea, ussm Wassr zoge.
Jietz kummed d`Bommar mit dem graosse Gschealt,
die dind as wie d`Hearre vu dr Wealt.
S`eached im Hirschschprüng es schealled a mir duur, niemed lüeged zu mir—- die solled nu huim zu Wieb und Kind, I glöüb dass des d`Sündrdoarfar Resslar sind..
I winsch deana Wiebr wo die gonz Wuche allui, hoffentle kehred die Ma it ing, i deam Maislschtui.
Es diemred, es ischt no kurz dr Tag.
Wea do vum Hirschschprüng hea no kumme mag?
D`Friburgr sind huit öü schu hinda gwea,
Händ d `Schtruibe rüs, vu dr Holde hea.
D` Burdelar kummed, Ludwig i dr Land,
A zocked allad am Laitsail mit dr Hond.
Michl flacked uf dr Buurde und lüeged a d` Schteane,
Des Roß findt a so huim, es brücht kui Lateane.
Dünkl wird es, abr dr Mong kut üf
A lüeged schu hinder dem Ochsebearg rüf.
I blieb no schtong do , so lang ba be hot,
A jeda brücht hi und da an kleine Herrgott
So holt I schu viel Johr iebr die Schtro°ß ming Wacht,
Fir huit winsch I allna a güete Nacht .
